
马尔巴大师教言集MARPA28མཻ་ཏྲི་པའི་མན་ངག་ཟབ་ལམ་དགུ་ཕྲུགས།
2-1-79b
༄༅། །མཻ་ཏྲི་པའི་མན་ངག་ཟབ་ལམ་དགུ་ཕྲུགས།
༄། །གཏུམ་མོ་ལ་བསླབ་པར་གསུམ།
༄༅། །མཻ་ཏྲི་པའི་མན་ངག་ཟབ་མོ་ལམ་དགུ་ཕྲུགས་བཞུགས་སོ། །བླ་མ་དམ་པ་རྣམས་ལ་ཕྱག་འཚལ་ལོ། །མངའ་བདག་མེ་ཏྲི་པའི་ཐུན་མོང་མ་ཡིན་པའི་མན་ངག་ནི། གཏུམ་མོ་དང་། ཕྱག་རྒྱ་ལ་བསླབ་པ་དང་། ཀུན་གཞི་ལ་བསླབ་པ་དང་གསུམ་མོ། །དེ་རེ་རེ་ལ་ཡང་གསུམ་གསུམ་སྟེ་དགུའོ། །དེ་ལ་དབང་པོ་ཐ་མ་རིམ་གྱིས་བསྒོམ་པ་ནི། དང་པོ་གཏུམ་མོ་ལ་བསླབ་པ་ནི་གཏུམ་མོ་ལ་སྔོན་འགྲོ་དང་དངོས་བཞིའོ། །སྔོན་འགྲོ་ལ་དང་པོ་རླུང་བཙན་ཐབས་སུ་གཞུག་པ་དང་། རིམ་གྱིས་གཞུག་པ་གཉིས་ལས། དང་པོ་བཙན་
2-1-80a
ཐབས་སུ་གཞུག་པ་ནི་རླུང་དྷཱུ་ཏིར་གཞུག་པའི་ཐབས་ལ། ལུས་ཙོག་པུར་འདུག་ལ། ལག་པ་གཉིས་རྐང་པའི་རྗེ་ངར་ལ་འཁྱུད་ལ། ཕོ་སྐད་དྲག་ལ་ཐུང་བ། མོ་སྐད་འཕྲ་ལ་རིང་བ་གཉིས་ཏེ། ཕོ་སྐད་དྲག་ལ་ཐུང་བ་ནི་ལུས་ནམ་མཁར་ཟོ་བ་ཞབས་མེད་པ་བཞིན་དུ་ཁོང་སྟོང་ཞབས་མེད་དུ་བསྒོམས་ལ། རླུང་ཕར་གཏོང་བའི་དུས་སུ་ཧཱུཾ་ཞེས་པའི་ཚུལ་གྱིས་དྲག་ལ་ཐུང་བར་མས་དྲང་། [མ་ནིང་སྐད་རང་སོར་བཞག་པ་ནི་དབུས་ནས་རང་སོར་དྲང་གསུང་།] ནང་དུ་འཇུག་པའི་དུས་སུ་ཨོཾ་གྱིས་ནང་དུ་གཞུག་སྟེ། ཟང་ཐལ་དུ་ས་གཏིང་ན་མར་སོང་བར་བསམ་མོ། །དེ་བཞིན་དུ་མོ་སྐད་དུ་འཕྲ་ལ་རིང་བ་བྱེད་ནའང་ཤེས་པར་བྱའོ། །དེ་ལ་ཞི་བ་བཟང་པོའི་བཞེད་ཀྱིས་ནམ་མཁའ་ལྟར་[གཡས་ནས།] སྤང་བསྟོད་པས་འཇུག་པ་དང་། འཁོར་ལོ་ལྟར་རྒྱ་བསྐྱེད་པས་སྦྱང་བ་དང་གཉིས་སོ། །ནམ་མཁའ་ལྟར་[དལ་ན་བྱ་གཡས་ན་དྲང་། མེེ་ཏྲི་པ་དོན་གྱི་འདོད་མིང་འདི་འདོགས།] སྤངས་བསྟོད་པས་འཇུག་པ་ནི། རང་གི་ལུས་ནམ་མཁའ་ལ་ཟོ་བ་ཞབས་མེད་དཔྱང་ལ་བཏང་བ་ལྟར་ཁོང་སྟོང་ཞབས་མེད་དུ་བྱས་ཏེ། ཡར་ཐལ་མར་ཐལ་བཏང་ཞིང་སེམས་གཟུང་ངོ་། །[སྤྱི་བོ་ནས་ནམ་མཁའ་འོག་སྒོ་ན།] འཁོར་ལོ་ལྟར་རྒྱ་བསྐྱེད་པས་སྦྱང་བ་ནི། ལུས་ཁོང་སྟོང་ཤིན་ཏུ་ཆེ་བར་བྱས་ཏེ་སྦྱང་ངོ་། །དེ་ལྟར་
2-1-80b
རླུང་སྦྱངས་པས་བདེ་བ་འཕྲལ་ལ་བཙན་ཐབས་སུ་བྱུང་ཡང་བདེ་བ་དེ་ཡེ་ཤེས་དང་མཐུན་པའི་བདེ་བ་མིན་ཏེ། བདེ་བ་ཟུག་གཟེར་ཅན་འོང་ངོ་། །དེ་ལྟར་རླུང་བཙན་ཐབས་སུ་སྦྱངས་ཏེ་བདེ་བ་བསྐྱེད་པ་དང་། དེ་ནས་རླུང་དྷཱུ་ཏིར་གཟུད་པ་ནི་ལུས་དངོས་པོ་ཇི་ལྟར་གནས་པར་བསམ་ལ་ལུས་བཅོས་པའི་ཐབས་ནཱ་རོ་པའི་བཞེད་པ་ལྟར་བྱས་ལ། སྟེང་རླུང་མནན་འོག་རླུང་བསྡམས་པས་རྒྱུ་ཞབས་སུ་[དངོས་གཞིའི། ཚུད་པ་བྱ་ཟེར། གཏུམ་མོ་ཙཀྲ་གཅིག་བརྟེན་པ།] རླུང་ཁམས་ནག་པ་ལང་ལོང་ཅན་དུ་ལྡིང་གིས་བསྐྱིལ་བ་ནི། [རྡོ་རྗེ་དཀྱིལ་ཀྲུང་ལ་སོགས་པ།] རླུང་འཁོར་ལོ་ལྟར་བསྐྱིལ་བའི་མན་ངག་གོ །དེ་ནས་ཧཱུཾ་ཧཱུཾ་ཞེས་པའི་དབུགས་ཀྱིས་རྡོ་རྗེ་ནོར་བུ་དང་རྒྱུ་ཞབས་གཉིས་འུབས་འུབས་པར་ཡར་ཐེན་ཞིང་དྭངས་པས་རླུང་དེ་རྣམས་ལྟེ་བའི་འོག་སོར་བཞི་ལས་དམའ་བའི་སར་དམར་འུབས་ཀྱིས་འདུས་པས། བདེ་བ་འཕྲལ་ལ་སིང་བ་ཚ་ལམ་ལམ་འབྱུང་སྟེ། དེ་ནི་རླུང་ལྕགས་ཀྱུ་ལྟར་ཡར་ལ་དྲང་བའི་མན་ངག་གོ །དེ་ནས་ཨ་ཅི་རིགས་སུ་དྷཱུ་ཏིར་སེམས་བཟུང་ཞིང་ཨ་རེག་བྱ་ཚ་ཞིང་གདུང་བ་དེ་ཁོ་ན་ལ་སེམས་བཞག་པས། ཤུགས་ཀྱིས་བདེ་ཆེན་ནས་བྱང་སེམས་འཛག་ཅིང་གནས་གང་རུང་ཅིག་ཏུ་བདེ་བ་སིང་[ལྟེ་བར་བཤད་ལྟ་བུ་དམར་མཚན།] སིང་སྐྱེ་བ་ནི་འདིའི་འབྲས་བུ་[ཨ་བག་དེ་བྱང་སེམས་ཞུ།]
2-1-81a
སྐྱེ་བའི་རིམ་པའོ། །དེའང་འདིར་ལྟེ་བར་འཁོར་ལོ་ལྟ་བུ་མི་འདོད་གསུང་ངོ་།། །།གཏུམ་མོ་འཁོར་ལོ་གཅིག་ལ་བརྟེན་པ།། །།ཨྠིི། ༄༅། །དེ་ནི་དབང་པོ་ཐ་མའི་འབྲིང་གིས་གཏུམ་མོ་འཁོར་ལོ་གཉིས་ལ་བརྟེན་པ་བསྒོམ་ཡང་། སྔོན་འགྲོ་རླུང་དྷཱུ་ཏིར་གཞུག་པ་ནི་གོང་དང་ཁྱད་མེད་དོ། །དེ་ལྟར་རླུང་དྷཱུ་ཏིར་བཅུག་ནས་སྔ་མ་བཞིན་ལྟེ་བར་ཨ་ཅི་རིགས་པ་བསྒོམ། །སྤྱི་བོར་ཧཾ་འོག་ཐུར་དུ་ལྟ་བར་བསྒོམ། དེ་གཉིས་ལ་ཡང་འཁོར་ལོ་བསྒོམ་པ་དང་། ཡི་གེ་དགོད་པ་ལ་སོགས་པ་ནི་མི་བྱེད་ཀྱི་ཨ་ཧཾ་གཉིས་ལ་སེམས་འཛིན་པ་[ཤད་ལ་སོགས་པ།] ནི་ཨ་རེག་བྱ་ཚ་བ་དེ་ལ་སེམས་གཏད་པས་ཨ་ལས་འོད་ཟེར་རྣོ་བ་གདུང་པ་དྷཱུ་ཏི་ནས་ཡས་དམར་ནག་བྲེང་ངེ་སོང་པས་(བས་)སྤྱི་བོའི་ཧཾ་བཞུ་བས་བྱང་སེམས་དཀར་ནར་ར་ར་ཕབ་ཅིང་། ལྟེ་བའི་ཨ་ལ་ཐིམ་པར་བསམ་ཞིང་འབར་འཛག་ཏུ་བསྒོམས་པས་སྤྱི་བོའམ། སྨིན་མཚམས་སམ། སྙིང་ག་འམ། མགྲིན་པ་འམ། ལྟེ་བའམ། གང་རུང་ཅིག་ཏུ་བདེ་བ་སྔར་ལྟར་སྐྱེས་ཏེ། དེ་ནི་འབྲས་བུ་སྐྱེ་བའི་རིམ་པའོ། །དེ་ལྟར་བརྟན་པའི་[གནས་གང་དུ་ཡང་གཉིས་ཙམ་དུ་བདེ་བ་སྐྱེ།] ཚད་ལ་སོགས་པར་ཤེས་པར་བྱའོ། །གོང་ལ་འབྲས་བུ་འོག་མ་བརྒྱད་བཞེད་ཕག་སྐོར་དང་མཐུན། འཁོར་ལོ་གཅིག་ལ་བརྟེན་པའི་དུས་སུ་
2-1-81b
འབར་འཛག་འབྲས་བུར་འདོད་པ་དེ་གྱུར་འགྲོ།] གཏུམ་མོ་འཁོར་ལོ་བ་གཉིས་ལ་བརྟེན་པ།། །།ཨྠིི། ༄། །དེ་ལ་འབྱོངས་ནས་འཁོར་ལོ་བཞི་ལ་བརྟེན་པ་སྒོམ་པ་ནི། རླུང་དྷཱུ་ཏིར་འཛུད་པ་གོང་བཞིན་དུ་བྱས་ཏེ་རྒྱུ་ཞབས་རླུང་བསྐྱིལ་ཞིང་དྲང་པ་ཡང་སྔོན་དུ་སོང་བས། ལྟེ་བའི་སྤྲུལ་པའི་འཁོར་ལོའི་རྩ་འདབས་བརྒྱད་ལ་སྡེ་ཚན་བརྒྱད། ལྟེ་བར་ཨ་བསྒོམ། སྙིང་ཁའི་འདབ་མ་བརྒྱད་ལ། ཏ་ཐ་ལྔ་ཡུམ་བཞིའི་ས་སོན་བསྒོམ། མགྲིན་པར་འདོད་ཡོན་ལྔའི་ས་བོན་ནམ། ཡད་ཨ་ཐུང་དུ་བརྒྱད་བསྒོམ། ལྟེ་བར་ཨོཾ་བསྒོམ། སྤྱི་བོར་རྩ་སྟོང་པར། [ལྟེ་བར་ཧཱུཾ། ཕྱོགས་བཞིར་བུཾ་ཨཾ་ཛཾ་ཁཾ། མཚམས་སུ་ལཾ་མཾ་བཾ་ཏཾ།] བྱས་ཏེ་ལྟེ་ཁར་ཧཾ་འགོ་ཐུར་དུ་[ཌཾ་གཾ་ཤཾ་རཾ་པཾ།] ལྟ་བ་བསྒོམས་ལ། ལ་ལ་ན་དང་ར་ས་ན་གཉིས་ཀྱི་ནང་དུ་ཀ་ལི་ཡི་གེ་ཧཱུཾ། གཡོན་གྱི་རྩ་ནང་དུ་ཨཱ་ལི་ཡི་གེ་རྣམས་ཀྱི་ཧཱུྃ་སྐུད་ཀྱིས་རྒྱུས་པར་བསྒོམ་པ་ནི་རྩ་དེ་གཉིས་ནས་རླུང་རྒྱུ་བ་དགག་པའི་ཐབས་སོ། །[གཡས་རྩ་ར་ས་ན།] དེ་ནས་དྷཱུ་ཏི་དཀར་སིང་[དམར་པོ། བ་ཐག །] དེ་བའི་ནང་དུ་[ལ་ལ་ཅན། དཀར་པོ།] སྟེང་རླུང་མནན། འོག་རླུང་བསྡམས་ཏེ། ལྟེ་བར་ཨ་ཅི་རིགས་[ཤར་ལྟ་བུ་ལ་མེས་བསྲེག་ཙང་ཡས་གསལ་བའི་གཞུང་ཡང་མིན་ཏེ་མི་ཏྲི་བ་རྩའི་ཙཀྲ་བཞི་ཀ་བསྲེག་གསུང་། མི་ཏྲི་བཤད་ཚོད་ཀྱི་དྷཱུ་ཏི་ལས་རང་བཞིན་སྨྱུག་མའི་དྷཱུ་ཏི་མི་འདོད་དོ། །[ཤར་ལྟ་བུ་ལ་མེས་བསྲེག་ཙང་ཡས་གསལ་བའི་གཞུང་ཡང་མིན་ཏེ་མི་ཏྲི་བ་རྩའི་ཙཀྲ་བཞི་ཀ་བསྲེག་གསུང་། མི་ཏྲི་བཤད་ཚོད་ཀྱི་དྷཱུ་ཏི་ལས་རང་བཞིན་སྨྱུག་མའི་དྷཱུ་ཏི་མི་འདོད་དོ། །]] ལ་སེམས་
2-1-82a
བཟུང་བས་ལས་ཀྱི་རླུང་འཚུབས་ཏེ་ཨ་རེག་བྱ་ཚ་བ་དེ་དམར་ལྷང་གིས་འབར་བས་དྷཱུ་ཏི་ནང་ན་ཡར་སོང་ནས། བདེ་ཆེན་གྱི་ཧཾ་བཞུས་ཏེ་ལྟེ་བའི་ཨ་ལ་ཐིམ་ཐིམ་པས་མི་ཕྱེད་པར་བསྒོམ་མོ། །དེས་ཀྱང་སྤྱི་བོ་འམ་སྙིང་གའམ། །[དང་པོ་འཁོར་ལོ་བཞི་བསྒོམ་ལ།] སྨིན་མཚམས་སམ། མགྲིན་པ་ལ་སོགས་གར་རུང་ཅིག་ཏུ་བདེ་བ་འབྱུང་[དེ་ནས་ཨ་ཧཾ་མས་མི་བསྒོམ་བླ་མ་གསུང་།] གི་ལུས་ཐམས་ཅད་བདེ་བར་བྱེད་མི་ནུས་པ་ནི་མི་ཏྲི་བའི་བཞེད་པའོ། །དེ་ནི་དབང་པོ་ཐ་མའི་རབ་ཀྱི་སྒོམ་པ་སྟེ་དང་པོ་འཁོར་ལོ་གཅིག་ལ་བརྟེན་[གཉིས་སམ་ཉ་ཙམ།] པ་ནས་བརྩམས་ཏེ་རྫོགས་རིམ་དགུ་ག་གང་ཟག་གཅིག་གི་ལམ་དུ་སློང་བའོ། །དེ་བསྒོམས་པས་མཐར་ཕྱིན་པའི་ཚད་ལ་སོགས་པར་ཤེས་པར་བྱའོ། །
༄། །ཕྱག་རྒྱ་ལ་བསླབ་པར་གསུམ།
འཁོར་ལོ་བཞི་ལ་བསྟེན་(བརྟེན་)པ། དེ་ལྟར་ཙ་ཎ་ཌ་ལིའི་(ཙཎྜ་ལཱིའི་)ལུས་ཀྱི་ཕྱོགས་ཅིག་བདེ་ནས་ལུས་མཐའ་དག་བདེ་བར་བྱ་བའི་ཕྱིར་ལས་ཀྱི་ཕྱག་རྒྱ་ལ་བསླབ་(བསླབས་)ཏེ། དེ་ལ་དང་ཟས་རོ་རྩ་(ཙ་)བཟང་པོས་ལུས་གཟུངས་(ཟུངས་)རྒྱས་པར་བྱས་ལ། ཕྱག་རྒྱ་ལ་མཚན་དང་ལྡན་པ་དགུག་ལ་བདག་མེད་པར་བསྐྱེད་ལ། རང་ཧེ་རུ་ཀར་བསྐྱེད་[འབྲིང་ཐ་མ།] ནས་ཕྱག་རྒྱ་མ་དང་སྦྱོར་བའི་བདེ་བ་དེ་སླར་ལུས་སུ་བསྒོམ་མོ། །[ཕྱག་རྒྱ་ལ་མེད་པར།] དེ་ནས་བདེ་བ་འདྲེན་ཐུབ་པ་བྱུང་ན་
2-1-82b
འཕྲོར་མ་བཅུག་པར་བདེ་བ་སྐྱེས་པ་དེ་སླར་རང་གི་ལུས་ལ་བསྒོམ། དེ་ལ་འབྱོངས་ནས་ཡང་ཕྱག་རྒྱ་མ་དང་སྦྱར་བས་སྙོམས་འཇུག་བྱ་སྟེ། ཐིག་ལེ་མ་འཕྲོས་པར་རང་གི་ལུས་ལ་བསྒོམ་མོ། །དེ་ནས་བདེ་བ་ཚད་དུ་ཕྱིན་ནས་ཏེ་ཕྱག་རྒྱ་མ་ལ་བདེ་བ་རྫོགས་པ་དང་ཁྱད་མེད་པར་རང་གི་ལུས་བདེ་བར་བསྒོམས་པས། དེ་དང་འདྲེན་ཐུབ་པར་བྱུང་ན་ཕྱག་རྒྱ་མ་དང་མི་སྦྱར་བར་བསྒོམ། བདེ་བ་ཅུང་ཟད་ཉམས་སུ་སྡོག་ན་ཕྱག་རྒྱ་[འདི་ནས་ཡུན་རིང་པོར་མི་དགོས་ཏེ་མྱུར་དུ་འོང་པར་འདུག་གསུང་།] མའི་ནུ་མ་དང་བྷ་ག་ལ་ལྟ་ཞིང་བསྒོམས་པས་བདེ་བ་ཚད་དུ་འབྱུང་ངོ་། །དེ་བཞིན་དུ་བྱུང་ན་ཕྱག་རྒྱ་མ་ཡོལ་བའི་ཕྱི་རོལ་དུ་བཞག་ཅིང་བསྒོམ་མོ། །ཉམས་སུ་སྡོག་ན་ཕྱག་རྒྱ་མའི་སྐད་ཉན་ཅིང་དེ་དང་ཆགས་པའི་གཏམ་གྱིས་སྔར་བཞིན་འོང་ངོ་། །དེ་ལ་འབྱོངས་ནས་མི་འཆོར་བར་འདུག་ན་ཕྱག་རྒྱ་མ་ལ་ཡོན་ཕུལ་ཏེ་བཏང་ངོ་། །དེ་ནི་དཔལ་རི་ཁྲོད་པའི་མན་ངག་གོ །ཀླུ་སྒྲུབ་ཀྱིས་ཀྱང་བཞེད་དེ། དེ་གཉིས་མཐུན་ནོ། །མེེ་དྲི་བ་ནི་ལུགས་གཉིས་བཞེད་དེ། ཡང་ན་རྒྱལ་པོ་ཨིནྡྲ་བོ་དྷིའི་ལུགས་ཀྱིས་སྔར་བཞིན་དུ་ལུས་སྦྱང་པ་ཐམས་ཅད་འདྲ་བ་ལས་ཁྱད་པར་དུ་སྙོམས་འཇུག་བྱས་ཤིང་རང་གི་རྡོ་རྗེ་ནོར་བུའི་རྩ་བ་དང་བཤང་ལམ་[སྔར་གྱི་དང་ཕྱི་ལ་འདི།] གྱི་བར་གྱི་ཐེར་དེའི་འདོམས་ཀྱི་ནང་དུ་
2-1-83a
རླུང་སེམས་འདྲེས་པའི་བདེ་བའི་ཐིག་ལེ་ཅིག་བསྒོམས་ཏེ་བདེ་བའི་ག་ལེ་ལ་སེམས་གཏད་དོ། །དེ་བཞིན་བྱས་ནས་བསྒོམ་པ་ཡང་གཞུང་གཅིག་ཡིན། ཨིནྡྲ་བོ་དྷི་ནི་དེ་ལ་ཕྱག་རྒྱ་བཞི་ཚང་ལ། ལམ་ཡང་རང་སྐྱང་པར་བཞེད་དོ། །དེ་ཡང་ཕྱག་རྒྱ་མ་དང་སྙོམས་པར་ཞུགས་པ་དངོས་སུ་བྱེད་པ་ནི་ཀར་མ་མུ་འདྲའོ། །ཐིག་ལེ་སེམས་འཛིན་པ་ནི་དྷརྨ་མུ་དྲའོ། །ཡིད་ཀྱིས་ཡུལ་དུ་བདེ་བར་བསྒོམ་པ་ནི་ཙིཏྟ་མུ་དྲའོ། །དེ་ལ་མི་རྟོག་པ་ཤར་བ་ནི་མ་ཧཱ་མུ་དྲའོ་ཞེས་བྱས་ཏེ། དེ་གཅིག་པུས་ཡེ་ཤེས་དངོས་སུ་འཆར་བར་བཞེད་དོ། །དེ་ལ་མེེ་ཏྲི་པ་ཡིད་ཀྱི་ཕྱག་རྒྱའི་[ཚལ་གྱི།] ཕྱག་རྒྱའི་སྟེགས་བུ་བཞེད་དོ། །དེ་བཞིན་དུ་བསྒོམས་[ཡིད་ཀྱི་མུ་ཏྲི། ཆིལ་གྱིས།] པས་ལུས་ཐམས་ཅད་བདེ་བར་[ཕྱག་རྒྱ་ཆེན་པོ།] ཕྲིལ་ཕྲིལ་འཆར་བ་འབྱུང་ངོ་། །དེ་ནི་ལས་ཀྱི་ཕྱག་རྒྱ་ལ་བསླབ་པའི་ཐབས་སོ། །དེ་ལ་ལོབས་ཚད་ནི་ལུས་ཐམས་ཅད་བདེ་བར་འོང་བ་དང་། དེ་ཞག་བདུན་ལ་སོགས་པར་བརྟན་པ་དང་། འབད་རྩོལ་མེད་པར་བསམས་པ་ཙམ་གྱིས་ལུས་ཐམས་ཅད་བདེ་བར་ཕྲིལ་ཕྲིལ་འབྱུང་ངོ་། །[རྩ་རླུང་། གི་སྒོམ་པའི་དོན་དུ་འདུག] ལས་ཀྱི་ཕྱག་རྒྱ་ཨྠིི།། །།དེ་ལྟར་ལས་ཀྱི་ཕྱག་རྒྱས་ལུས་ཐམས་ཅད་བདེ་བར་གྱུར་པ་དང་། [འབྲིང་གི་འབྲིང་།] སེམས་བདེ་བར་བྱ་བ་ནི་ཡིད་ཀྱི་ཕྱག་རྒྱས་བྱས་ཏེ། 
2-1-83b
དེ་ཡང་སྔར་གྱི་ཕྱག་རྒྱ་མ་དེ་ཡིད་ཀྱིས་བཀུག་ཅིང་བདག་མེད་མར་བསླབས་ནས་རང་གི་སྙིང་ཁའི་ཧཱུྃ་དང་ལྟེ་བའི་ཨ་གཉིས་མར་ཕབ་སྟེ་ཨ་དམར་པོ་ཡིད་ཀྱི་མུ་དྲའི་བྷ་གར་བསམ། ཧཱུྃ་དཀར་པོ་གསང་བའི་རྡོ་རྗེར་ཕབ་ནས། རང་གིས་ཡིད་ཀྱི་ཕྱག་རྒྱ་མ་ལ་བསྐྱོད་པས་ཨ་ཧཱུཾ་གཉིས་པོ་སྙོམས་འཇུག་བྱེད་པར་བསམས་ཞིང་བསྒོམས་པས་བདེ་བ་འབྱུང་སྟེ། བདེ་བ་དེ་ཕར་ལ་སྣང་བ་ཐམས་ཅད་ལ་སྤྲོས་པས། སྣང་བ་ཐམས་ཅད་ཆུ་ནང་དུ་ཁ་བ་བབ་པ་བཞིན་དུ་བདེ་བའི་ངོ་བོར་ལྷམ་ལྷམ་གྱུར་པར་བསམ་ཞིང་བསྒོམ་མོ། །དེ་ལ་ཉམས་མྱོང་ཆུང་ན་སྔར་བཞིན་ཡིད་ཀྱི་ཡུལ་དུ་སྙོམས་འཇུག་དང་། བདེ་བ་སྤྲོ་བསྡུ་བྱས་པས་ཐམས་ཅད་བདེ་བར་ཕྲིལ་ཕྲིལ་འཆར་རོ། །དེས་ནི་སེམས་བདེ་བ་ཞེས་ཀྱང་བྱ་སྟེ་སྣང་བའི་ཆ་ཐམས་ཅད་སེམས་ཉིད་བདེ་བར་བྱས་པའོ། །དེ་ནི་བསྒོམ་པའི་ཐབས་སོ། །དེ་ལ་གོམས་པའི་ཚད་ནི། རང་དང་སྣང་བ་ཐམས་ཅད་བདེ་བར་བྱ་བ་དང་། དེ་ལ་བརྟན་པས་ཏེ་ཞག་དྲུག་ཏུ་བསྒོམས་ཀྱང་མི་འགྱུར་བ་དང་། འབད་རྩོལ་མེད་པར་བདེ་བར་འབྱུང་བའོ། །ཡིད་ཀྱི་ཕྱག་རྒྱ་ཨྠིི།། །།དེ་ལྟ་བུའི་བདེ་བ་[འབྲིང་གི་རབ་ཡིན་ཡེ་ཤེས་ཕྱག་རྒྱ།] སྐྱེས་པ་དེ་ལ་སྐྱེ་མེད་ཀྱིས་རྒྱས་མ་ཐེབས་ན་ཐ་མལ་[ཕྱག་དང་དངོས་མེད་པར།] གྱི་བདེ་བ་
2-1-84a
དང་འདྲ་བས་བདེ་བ་ལ་སྐྱེ་མེད་ཀྱི་རྒྱས་གདབ་པ་ནི། རང་དང་སྣང་བ་ཐམས་ཅད་བདེ་བར་བྱས་ནས་བདེ་བའི་སྙིང་གར་བསྡུས་ཏེ། སྙིང་ག་ན་ཨ་རང་འབྱུང་སྐྱེ་མེད་ཀྱི་སྒྲ་ཡོད་པ་ལ་སེམས་གཏད་ནས་ཉན་པས། བདེ་བ་ཐམས་ཅད་འདུས་པར་གྱུར་པ་ལ་རང་འབྱུང་སྒྲ་ཨཿཨཿ ཞེས་པའི་སྒྲ་རང་ལ་མཉན་པས་སྐྱེ་མེད་དུ་ལྷངས་ལྷངས་བསམ་པས་[ཡོད་པ་ལ།][ཡང་ཨ་ཞེས་གྲག་ཅིང་།] བདེ་བ་སྟོང་པའི་ངོ་བོར་གོ་བ་འབྱུང་ངོ་། །ཡང་ན་གསལ་བའི་མན་ངག་སྒྱུ་མའི་ཞབས་སུ་སྦ་ཞེས་པ་ནི་སྒྱུ་མའི་ནང་ཁོང་སྟོང་དུ་བདེ་བ་བྱུང་ནས་བསྒོམས་པས་བདེ་བ་རྟོགས་པར་འགྱུར་རོ། །ཡང་ན་གསང་བའི་མན་ངག་ཟླ་བའི་མཐོངས་སུ་[རྒོད་ན། ཉི་མའི་དཀྱིལ་འཁོར་གྱི་སྟེང་ན་ཨ་བསྒོམ་ཨ་ལས་རང་སྐྲ་ལ་ཨ་ཨ་ཟེར་བར་བསྒོམ།] ཕྱར་བ་ནི་རང་གི་སྣ་རྩེ་ལས་ཕར་སོར་བཞི་ལས་མི་རིང་བར་སེམས་[བྱིང་ན།] བདེ་བར་བསྡུས་ཏེ་བསྒོམས་པས་ནམ་མཁའ་སྟོང་པ་ཉིད་ཡིན་པ་དེས་ན་བདེ་བ་ཉིད་ཀྱང་གཞི་མ་གྲུབ་སྟེ་སྟོང་པར་རྟོགས་པར་འགྱུར་རོ། །ཡང་ན་གསང་བའི་མན་ངག་ལྟ་ག་ཀོར་བ་དང་སྒྲོག་པ་ནི་ལྟག་པའི་རུས་པའི་ནང་དུ་སེམས་བསྡུས་ཀྱང་བདེ་བར་རྟོགས་པར་འགྱུར་རོ། །དེ་རྣམས་གང་རུང་གཅིག་གིས། [པཎྜི་ཏ་ཁ་ཅིག་འདི་རྣམས་རེ་རེ་ལ་བསྒོམ་ཐབས་རེ་རེས་ཡེ་ཤེས་འཆར་[པཎྜི་ཏ་ཁ་ཅིག་འདི་རྣམས་རེ་རེ་ལ་བསྒོམ་ཐབས་རེ་རེས་ཡེ་ཤེས་འཆར་
2-1-84b
བར་བཞེད་དེ་མེ་ཏྲི་པ་རྣམས་སུ་བཞེད་དོ། །]]རང་དང་སྣང་བ་དེ་བདེ་བ་དང་སྟོང་པར་གོ་ཐབས་ཡིན་ནོ། །དེ་ལྟར་རྟོགས་པས་སྣང་བ་ཐམས་ཅད་སྐྱེ་མེད་ཀྱི་ངོ་བོར་བྱས་ཤིང་བསྒོམ་སྟེ། མིག་གིས་ཅི་མཐོང་ཐམས་ཅད་བདེ་བར་ཤར་བ་དེ་ཉིད་སྐྱེ་མེད་ལས་མ་འདས་སྐྱེ་མེད་ཡིན་སྙམ་པས་བསྒོམ་མོ། །དེ་ནི་བསྒོམ་པའི་ཐབས་སོ། །གོམས་པའི་ཚད་ནི་སྣང་བ་ཐམས་ཅད་བདེ་སྟོང་ཉིད་དུ་འབྱུང་བ་དང་། དེ་ཡང་ཅི་མཐོང་ཅི་ཐོས་ཐམས་ཅད་སྟོང་པ་ཡིན་སྙམ་པའི་རྟོག་པ་མ་བཏང་པར་བདེ་སྟོང་དུ་ཅང་ཅང་འབྱུང་བ་ནི་གོམས་པའི་ཚད་དོ། །དེ་ལྟར་རིམ་པ་བཞིན་དུ་བསྒོམ་པ་ཡང་དབང་པོ་ཐ་མའི་ཅིག་ཐ་མ་གཅིག་ལ་རིམ་པ་བཞིན་བསྒོམ་དགོས། །འབྲིང་ཡན་ཆོད་ལ་ལམ་གྱི་རིམ་པ་དེ་ཁོ་ན་བཞིན་སྐྱེ་བའི་ངེས་པ་མེད་དེ། ལས་ཀྱི་ཕྱག་རྒྱའི་དུས་སུ་རང་དང་སྣང་བ་གཉིས་[བསྒོམ་བྱུང་གི་ཤེས་རབ་གཞན་པ།] ཀ་བདེ་བར་འབྱུང་ཡང་སྲིད། དེའི་དུས་རང་དུ་སྐྱེ་མེད་དུ་འབྱུང་ཡང་སྲིད་དོ། །ཡེ་ཤེས་ཀྱི་ཕྱག་རྒྱ་ཨྠིི།། །།
༄། །ཀུན་གཞི་ལ་བསླབ་པར་གསུམ།
དེ་ལྟར་འབྲིང་ཕྱག་རྒྱ་ལ་བསླབས་ནས་ད་ནི་ཀུན་གཞི་ལ་བསླབ་པ་ལ་གསུམ་ལས་དང་པོར་ཀུན་གཞི་ལ་བསླབ་པ་ནི། [རབ་ཐ་མང་པོ་རིམ་པ་བསྡུ་བ།] ཀུན་གཞི་ཞེས་བྱ་བ་ནི་རང་བཞིན་གཉུག་མའི་ཤེས་པ་ལ་བྱའི་ཐ་མལ་ཉོན་མོངས་པའི་ཀུན་གཞི་ནི་མ་ཡིན་ནོ། །ཉོན་མོངས་པའི་དྲི་མ་
2-1-85a
ནི་གཉིས་ཏེ། གློ་བུར་གྱི་དྲི་མ་དང་། ལྷན་ཅིག་སྐྱེས་པའི་དྲི་མ་གཉིས་དང་བྲལ་བའི་གཉུག་མའི། དེའི་མཚན་ཉིད་ནི་བདེ་སྟོང་དུ་གནས་ཏེ། དེ་སྒོམ་པའི་ཐབས་ནི་ཤེས་པ་འཐོར་བ་བསྡུ་བའོ། །ཤེས་པ་བདེ་སྟོང་སྤྱིའི་[ཀུན་ཏུ་བརྟགས་པའི་རིགས། འཕྲལ་དུ་ཆགས་པ། རྣམ་རྟོག་བག་ཆགས་དང་པོ་ནས་ཡོད་པ་ལ་བྱ།] རྣམ་པ་དང་འདྲེས་ནས་མི་ཕྱེད་ན། རང་གི་སྙིང་ཁའམ་སྨིན་མཚམས་སམ། རྡོ་རྗེ་ནོར་བུའི་རྩེ་མོར་རམ་[ཤིང་ཕྲག་ཏུ་སོང་སྒམ་ཙིག་(སྒལ་ཚིགས་)[ཤིང་ཕྲག་ཏུ་སོང་སྒམ་ཙིག་(སྒལ་ཚིགས་)ཕྲག་དུ་སོང་པ་(བ་)སྙམ་པ་ལ་སོགས་པ།]སྙམ་པ་ལ་སོགས་པ།] གང་མོས་པར་རླུང་སེམས་འདྲེས་པའི་ཐིག་ལེ་ལ་སེམས་བཟུང་སྟེ། དེ་ནི་བསྒོམ་པའི་ཐབས་སོ། །གོམས་པའི་ཚད་ནི་ཐིག་ལེ་བདེ་སྟོང་དུ་གསལ་ཞིང་ཤེས་པ་གཞན་དུ་མི་འཐོར་བར་གར་གཟུང་བར་དངོས་སུ་མཐོང་བ་དང་དངོས་སུ་འདྲ་བར་འབྱུང་ངོ་། །ཀུན་གཞི་འཐོར་བ་བསྡུ་བ།། །།ཨྠིི། ད་ནི་ཀུན་གཞི་སྣང་བ་ལ་བསྒོམ་པ་ནི་བླ་མ་བྱིན་གྱིས་བརླབ་པ་དང་། སློབ་མ་བྱིན་གྱིས་བརླབ་པ་གཉིས་ལས། དང་པོར་བླ་མ་བྱིན་གྱིས་[དངོས་སུ་] བརླབ་པ་ནི། བླ་མ་བརྒྱུད་པའི་གདམ་(གདམས་)ངག་དང་། བྱིན་བརླབས་(རླབས་)ཅན་གྱི་གནས་དབེན་པར་མཎྜལ་ལ་[ལམ་ཁྱེར་རབ་ཀྱི་འབྲིང་།] སོགས་པ་ཐམས་ཅད་བྱ་སྟེ། སྟན་བདེ་བ་ལ་འདུག་ནས་ཁྲོ་བོ་གང་ཡང་རུང་བའི་དྲག་སྔགས་བཟླས་པ་བྱ་བ་ནི་སྲུང་འཁོར་གྱི་དོད་པོ་སྟེ། འདིར་བར་ཆད་
2-1-85b
འཇུག་པས་བསྲུང་བའི་སྔགས་བཟླས་སོ། །དེ་ནས་ཡི་དམ་ཧེ་རུ་ཀ་ཡིན་ཡང་བྱིན་བརླབས་(རླབས་)མཁའ་འགྲོ་མས་འཇུག་པས་བླ་མ་ཉིད་བདག་མེད་པའི་ང་རྒྱལ་བྱས་ཏེ། ཆང་ཐོད་པ་གང་གི་ནང་དུ་བདུད་རྩིའི་རི་ལུ་བདར་བའམ། ཡང་ན་སྔར་བསྟན་པའི་བདུད་རྩི་བཏབ་ལ་ཨོཾ་ཨཱ་ཧཱུྃ་གསུམ་གྱིས་ཆང་དེ་བདུད་རྩིར་བསླབ་བོ། །ཡང་གདན་བཞི་བཞིན་བསླབས་ཏེ། དང་པོར་ཆང་བདུད་རྩིར་མ་བརླབས་སྙིང་མ་མཁན་གྱི་བདུད་རྩི་ལ་ཡང་བཏུབ།] པའི་གོང་དུ་སྲིན་ཐེབ་(མཐེབ་)གཉིས་ཀྱིས་ཆང་གི་མཎྜལ་གྲུ་གསུམ་པ་ཞིག་བྱས་ལ། དེའི་ནང་དུ་ཆང་གི་[ཧ་ཧོ་ཧྲིས།] མཎྜལ་ཟླུམ་པོ་ཅིག་བྱ། དེའི་དབུས་སུ་མེ་ཏོག་དམར་པོ་ཅིག་བཞག་ལ། དེར་མོས་པས་བདག་མེད་མའི་སྐུ་མདོག་ཕྱག་མཚན་རྒྱན་དང་བཅས་པར་ཤིན་ཏུ་གསལ་བར་བསྒོམ་མོ། །དེའི་ཕྱིར་རོལ་དུ་ཨཱ་ལི་བཅུ་བཞིའི་ཡི་གེ་ལྷ་ཇི་ལྟར་འཁོད་པ་བཞིན་དུ་མོས་པས་བསམ་པ་ནི་རྣམ་པ་ཡི་གེ་ལ་མོས་པས་མཁའ་འགྲོ་མ་བཅུ་བཞི་པོའི་ངོ་བོར་བསམ་མོ། །དེ་ནས་ཆང་བདུད་རྩིར་བརླབས་པ་དེས་དང་པོར་བདག་མེད་མ་ལ་[མཁའ་སྤྱོད་ས་སྤྱོད་དང་བཅས་པ།]མཆོད་དེ་གཡོན་གྱི་མཐེབ་སྲིན་གྱིས་ༀ་ཨ་སྭཱ་ཧཱ་ཞེས་བརྗོད་ཅིང་མཎྜལ་གྱི་སྟེང་དུ་གཏོར་བས་བདག་མེད་མའི་ཞལ་དུ་བདུད་རྩིར་ཀར་ཕུངས་ཕུངས་(དཀར་ཕུང་ཕུང་)སོང་གསོལ་བས་དགྱེས་ཤིང་བདེ་བ་ལྷངས་ལྷངས་
2-1-86a
སྐྱེས་པར་བསམ་མོ། །དེ་ནས་ཨོཾ་ཨ་སྭཱ་ཧཱ་དང་། ༀ་ཨི་སྭཱ་ཧཱ་ཞེས་པ་ལ་སོགས་པས་ཌཱ་ཀི་མ་སོ་སོའི་ས་བོན་བར་དུ་བཅུག་ཅིང་གཏོར་བས་སོ་སོའི་ཞལ་དུ་ན་སྐྱ་ཕུངས་ཕུངས་(ཕུང་ཕུང་)སོང་པས་བདེ་བ་ལྷངས་ལྷངས་(ལྷང་ལྷང་)བསམ་པ་ནི་ཚོགས་སོག་(གསོག་)པའོ། །དེ་ནས་མཎྜལ་གྱི་དེ་རྣམས་རང་ལ་བསྡུས་ལ་མཎྜལ་གྲུ་གསུམ་གྱི་དབུས་སུ་མེ་ཏོག་དམར་པོ་ཕུང་པོ་ཅིག་(ཞིག་)སྤུངས་ལ། དེའི་སྟེང་དུ་ཐོད་པའམ་བུམ་པ་གང་རུང་ཅིག་ཆང་བླུགས་ནས་བདུད་རྩི་བཏབ་ལ་བཞག་དེའི་སྟེང་དུ་མེ་ལོང་ལ་ལི་ཁྲི་འམ་སིན་དྷུ་རས་འཁོར་ལོ་ཆོས་འབྱུང་གཉིས་རྩེག་བྲི། རྩིབས་དྲུག་པའི་དབུས་སུ་ཨ་ཐུང་ངུའི་མདུན་གྱི་རྩིབས་ལ་ཛིམ་ཁམ་གཉིས་རེ་རེ་བགོད། དེ་ནས་ཆོས་སྐོར་དུ་ཨེེ་བོ། རྩིབས་གསུམ་ལ་[མེད་ན་རད་དམར་པོ་ཡུག་ཅིག་སྟེང་དུ་བཞག་སྟེ་དམ་རྫས་སོ། །[མེད་ན་རད་དམར་པོ་ཡུག་ཅིག་སྟེང་དུ་བཞག་སྟེ་དམ་རྫས་སོ། །]]བྲམ་ཟེ་ནས་བླ་མ་ཡན་ཆད་ཀྱི་མཚན་གྱི་ཡི་གེ་རྣམས་བྲིའོ། །[རི་ཁྲོད་པས་གྲུབ་པ་ཡིན་གསུང་།] དེ་ནས་ཤུནྱ་ཏ་ཛྷཱ་ནས་སྟོང་པར་བསམ་ལ། [དེ་རྣམས་ཞུ་བས་ཡི་གེར་གནས།] དེའི་ངང་ལས་ཆོས་འབྱུང་གྲུ་གསུམ་དཀར་པོ་ཞིག་བསམ། [བླ་མ་གསུམ་དུ་བསྐྱེད་དེ་རྣམས་ཞུ་བས་ཡི་གེ།]དེའི་ནང་དུ་རོའི་གདན་གྱི་སྙིང་ཁ་ན་ཟླ་བའི་ད་ལ་ལ་ཨཾ་དེ་ལས་གྲི་གུག་དེ་ལས་བདག་མེད་མ་ཕྱག་གཡས་ན་ཟངས་ཀྱི་གྲི་གུག་དམར་པོ་དམར་པོ་ཡག་གེ་བ་གཡོན་ཐོད་པ་དཀར་པོ་དཀར་ཚེར་རེ་བའི་ནང་ན་
2-1-86b
ཁྲག་དམར་ཕྱུར་རེ་བཀང་བ་ཅན། གཞན་རྒྱུད་ལས་ཇི་སྐད་བསྟན་པ་བཞིན་བསྒོམ་མོ། །དེའི་སྙིང་གར་ཟླ་བ་ལ་ཨ་བསམ། དེ་ནས་རང་གི་ལྟེ་བའི་ནང་དུ་ཆོས་འབྱུང་གྲུ་གསུམ་དཀར་པོ་ཞིག་བསྒོམ། དེའི་ནང་དུ་གདན་ཟླ་བ་དེའི་སྟེང་དུ་བདག་མེད་མ་ཆུང་ངུ་རང་ནས་རྒྱུན་མེད་པ་ཅིག་(ཞིག་)བསམ། [རང་ལ་ཧ་བཞུག་པ་དང་དབང་བསྐུར་གྱི་བྱེད།] དེའི་ལྟེ་བར་ཆོས་འབྱུང་གྲུ་གསུམ་གཉིས་བརྩེག་སྣལ་མ་དམར་པོ་བསྒོམ། དེའི་ལྟེ་བར་ཡང་ཨ་རེག་བྱ་ཚ་བ་དམར་ལྷང་ངེ་བསྒོམ། །དེ་ནས་རང་གི་སྙིང་ཁ་ནས་འོད་འཕྲོས་འོག་མིན་ནས་བདག་མེད་མ་ཆུང་ངུ་ཅིག་དྲངས་ཏེ་རང་གི་[གཡོན་སྐོར་དུ་དམར་སྒོ་ར་ར་འཁོར་བར།]ལྟེ་བའི་བདག་མེད་མ་ལ་གཞུག་གོ། །ཡང་འོད་འཕྲོས་ལྷ་ཚོགས་སྤྱན་དྲངས་ནས་དབང་གི་གསོལ་བ་བཏབ་པས་བདུད་རྩིའི་ཆུ་རྒྱུན་རང་གི་སྤྱི་བོའི་ཚངས་པའི་བུ་ག་ནས་མར་སོང་ནས་ལྟེ་བའི་བདག་མེད་མའི་སྤྱི་གཙུག་ན་མར་བབ་ནས་ལུས་བདུད་རྩིའི་ཆུས་དཀར་མེར་རེ་རེ་བྱུང་པ་ལ་བདེ་བ་ཕྲིལ་བསམས་ཏེ། ཆུ་དེ་འདུས་པས་བདག་མེད་མ་ཆུང་ངུའི་སྤྱི་བོར་མི་བསྐྱོད་པ་ཅིག་(ཞིག་)་ཡེར་གྱིས་བསམ། དེ་ནས་དེ་རྣམས་ལ་གསལ་བར་བསྒོམས་ཏེ་བཟླས་པ་ནི་ཨོཾ་ཨཱ་སྭཱ་ཧཱ་ཞེས་བཟླས་པས། ལྟེ་བའི་ཆོས་འབྱུང་རེག་བྱ་ཚ་བ་དམར་བ་དེ་དཀྱིལ་ལི་ལི་འཁོར་ཞིང་གཡོན་སྐོར་དུ་ཨ་མི་འཁོར་བར་བསམས་
2-1-87a
ནས་བཟླས་པས་མཁའ་འགྲོ་མ་ཐམས་ཅད་ཀྱིས་བྱིན་རླབས་ཕྲིལ་ཕྲིལ་རང་དང་མདུན་གྱི་བུམ་པ་གཉིས་ཀ་ལ་བཞུགས་ཤིང་ལུས་ཐམས་ཅད་བདེ་བར་བསམ་ཞིང་བཟླས་པས་བྱིན་རླབས་འཕྲལ་ལ་འོང་ངོ་། །དེ་ནས་བཟླས་པ་མི་ནུས་ནས་འཇོག་ན་ལྟེ་བའི་ཆོས་འབྱུང་གཉིས་རྩེག་དེ་ཨ་རེག་བྱ་ཚ་ཞིང་དམར་པོ་ལ་བསྡུས་ཏེ་ཨ་དེ་ཡང་ཞུ་ནས་མར་མེའི་འོད་ལྟར་དམར་ལམ་མེ་ཡེ་རེ་བསམས་ལ་དེར་བདེ་བ་ཕྲིལ་བསམ་ཞིང་བསྒོམ། དེ་ནས་མཐར་སྟོང་ཉིད་ལས་བདག་མེད་མར་ལངས་ཏེ་མཁའ་འགྲོ་མའི་མཎྜལ་དུ་བསམ་སྟེ་ཡང་ཆང་གི་བདུད་རྩིས་སྔར་བཞིན་མཆོད་དེ་ཐུན་མཚམས་བྱའོ། །དེ་ནས་ཐུན་ལ་ཡང་ཞུགས་ཤིང་སྔར་བཞིན་བསྒོམ་མོ། །རྗེས་གནང་བླ་མ་ལ་ཐོབ་ནས་སློབ་མ་འཕོར་ཡང་རུང་སྟེ་རང་གིས་ཀྱང་ཉ་སྟོང་གི་དུས་ཁྱད་པར་ཅན་ལ་འདི་བཞིན་བྱས་ན་རང་ལ་ངེས་པར་འོང་བས་བྱ་དགོས་གསུངས། དེས་ནི་མཁའ་འགྲོ་མའི་ཞིང་ཁམས་མཐོང་བ་དང་། ཆོས་ཉན་པ་དང་བྱིན་བརླབས་(རླབས་)འཇུག་པ་ལ་སོགས་པ་རྟགས་མང་པོ་འོང་བ་ཡིན་ཏེ་ད་ནི་བླ་མ་བྱིན་གྱིས་བརླབ་པའི། དེ་ནས་སློབ་མ་བྱིན་གྱིས་བརླབས་པ་ནི་སློབ་མ་ཁྲུས་བྱས་ཏེ་གོས་གཙང་མ་གོན་ནས་བླ་མ་ལ་མཎྜལ་ཕུལ་ཞིང་ཕྱག་བྱས་ཏེ། མེ་ཏོག་ཕུལ་
2-1-87b
ནས་བླ་མ་དུས་གསུམ་གྱི་སངས་རྒྱས་ཐམས་ཅད་གཅིག་ཏུ་བསྡུས་པའི་ངོ་བོར་བསམ་པ་དང་། སྣང་བ་ལམ་ཁྱེར་གྱི་ལམ་ལ་ཤིན་ཏུ་དད་པར་བྱའོ། །དེ་ནས་བླ་མ་ལ་མཆོད་ཅིང་ཚོགས་འཁོར་ཕུལ་ནས་བླ་མ་ལ་གསོལ་བ་གདབ་པ་ནི། ཐུགས་རྗེའི་བདག་ཉིད་ཅན་དྲིན་གྱིས། །ཡང་དག་ཡེ་ཤེས་མཆོག་ཐོབ་སྟེ། །རང་རིག་པའི་ངོ་བོ་ལ། །བདག་ནི་ཤིན་ཏུ་ངེས་ཤེས་སྐྱེས། །གཉིས་མེད་ཡེ་ཤེས་འདི་ཉིད་ནི། །འགྲོ་བ་གཞན་ལ་ཡོད་མ་ཡིན། །ཆོས་ཀྱི་བདུད་རྩི་འདི་འཐུང་ཕྱིར། །བླ་མ་ཆེ་ལ་གསོལ་བ་འདེབས། །དབང་བསྐུར་བའི་རིན་ཆེན་མཆོག །གལ་ཏེ་དྲིན་གྱིས་ཐོབ་གྱུར་ན། །བདག་ནི་ལེགས་པར་འཚལ་ལགས་ཀྱིས། །འཇིགས་པ་མེད་པའི་བཀའ་དྲིན་གསོལ། །ཞེས་ལན་གསུམ་གསོལ་བ་གདབ་བོ། །དེ་ནས་མཛོད་པུར་ཆོས་འབྱུང་གཉིས་(ཉིས་)རྩེག་སྣོལ་(བསྣོལ་)བའི་ནང་དུ་ཡུང་(གཡུང་)དྲུང་རིས་དམར་པོ་དམར་ཀྲ་ར་ར་འཁོར་བ་ལ་སེམས་གཏོད་དུ་བཅུག་ལ་སློབ་དཔོན་གྱི་ལྷ་མོ་བཅོ་ལྔའི་ས་བོན་བཟླས་པས། སློབ་དཔོན་ལྟེ་བའི་ཨ་ལས་འོད་དམར་པོ་བྱུང་ནས། སློབ་དཔོན་གྱི་བ་སྤུའི་བུ་ག་ཐམས་ཅད་གང་ནས། སློབ་མའི་ལུས་ཐམས་ཅད་དང་མཛོད་སྤུར་ཞུགས་ཏེ་འོད་ཟེར་དམར་ཐིམ་ཐིམ་སོང་པས་བདེ་ཕྲིལ་ཕྲིལ་སྐྱེ་བར་བསམ། སློབ་མས་
2-1-88a
མཛོད་སྤུའི་གཡུང་དྲུང་དམར་དཀྱིལ་ལི་ལི་འཁོར་བས་བདེ་བ་ཕྲིལ་ལི་ལི་བསམ་མོ། །དེས་ནི་སློབ་མ་ལ་བྱིན་རླབས་འཕོ་འབྱུང་སྟེ་ཡེ་ཤེས་དབབ་པའི་དོད་ཡིན་ནོ། །དེ་ནས་དཀྱིལ་འཁོར་དུ་གཞུག་པའི་དོད་ནི་ཤར་ཕྱོགས་སུ་ཁ་བལྟས་ཏེ། [འགྲོ་བས་འགྲོ་བ་མེད་ཕྱིན་པས་ཕྱིན་པ་མེད། གམ་གམ་འགྲོ་བར་སྒོམས་དང་གསུང་།] ཤར་གྱི་ནམ་མཁའ་ཕྱམ་ཕྱམ་འགྲོར་གཞུག་སྟེ་ཕྱིན་པས་ཐུག་པ་མེད་དེ་བཞིན་དུ་ལྷོ་དང་ནུབ་དང་བྱང་གསུམ་དུ་ཡང་འགྲོར་གཞུག་སྟེ་མཐར་ཐུག་པ་མེད་པར་བསམ་མོ། །དེ་ནས་སྣང་བ་ལམ་ཁྱེར་ཆོས་ཉིད་ངོ་སྤྲད་པ་ནི། སྣང་བ་ལམ་ཁྱེར་ཕྱག་རྒྱ་ཆེན་པོའི་མན་ངག་ལ་གསུམ་སྟེ། ཕྱག་རྒྱ་ཆེན་པོའི་མཚན་ཉིད་དང་། ཕྱག་རྒྱ་ཆེན་པོ་བསྒོམ་པའི་གང་ཟག་དམ་ཚིག་ཇི་ལྟ་བུ་དང་ལྡན་པས་བསྒོམ་པ་དང་། ཕྱག་རྒྱ་ཆེན་པོ་རྟོགས་པའི་ཐབས་གསུམ་མོ། །ཕྱག་རྒྱ་ཆེན་པོ་བསྒོམ་པའི་མཚན་ཉིད་ལ་བཞི་སྟེ། ཐམས་ཅད་ལ་ཁྱབ་པ་དང་། གཟུགས་ཅན་མ་ཡིན་པ་དང་། [བློ་བརྟན་པ་དབང་པོ་རབ།] འགྲོ་འོང་མེད་པ་དང་། དུས་ཐམས་ཅད་པའོ། །དམ་ཚིག་དང་[བླ་མས།]ལྡན་པ་ལ་བཞི་སྟེ། འཁོར་བ་ལ་ཡ་མི་ང་བ་དང་སྟེ་མི་མཐུན་པའི་[འཁོར་འདས་ཐམས་ཅད་ལ། ཡེ་ནས་སྟོང་ཞིང་བདག་བདག་མེད། རེས་འཇོག་མིན་མི་འགྱུར།] ཕྱོགས་མི་སྤོང་བ་དང་། མྱ་ངན་ལས་འདས་[གང་ཟག]
2-1-88b
པ་ལ་ཞི་བར་མི་གཟུང་སྟེ་གཉེན་པོ་དང་དུ་མི་བསླང་བ་དང་། འབྲས་བུ་ལ་རེ་བ་མེད་པས་ཏེ་རང་ལས་གཞན་པའི་སངས་རྒྱས་མེད་པ་དང་། དེ་ཁོ་ན་ཉིད་ལ་བྱར་མེད་དེ། གཟའ་གཏད་མེད་པའོ། །ཕྱག་རྒྱ་ཆེན་པོ་རྟོགས་པར་བྱ་བའི་ཐབས་ལ་གཉིས་ཏེ། རྒྱུད་པ་དང་། དངོས་སུ་ཚིག་གིས་བཏོན་པའི་བརྒྱུད་པའི་བླ་མ་ནི་རང་ལས་ཐ་དད་པར་བཟུང་བའི་བླ་མ་དེས་ཕྱག་རྒྱ་ཆེན་པོ་གོ་བར་བྱེད་དེ། དེ་ཡང་དང་པོ་མ་སྐྱེས་པར་ངོ་སྟོན། གཉིས་པ་མ་སྐྱེས་ལས་རྟོག་[བརྗོད་བྲལ་ཡིན། རང་གི་སེམས་ཀྱི་ཉམས་ཡིན་པས།] པ་གློ་བུར་བར་ངོ་སྟོན། གསུམ་པ་གློ་བུར་བ་དེ་རང་བཞིན་གྱིས་ཐིམ་པ་ཡིན་གྱིས་རྩོལ་བས་སྤང་དུ་མེད་པ་དེ་ཡིད་ཆེས་པར་བྱེད་པའི་དངོས་སུ་རྟོགས་པ་ལ་གཉིས་ཏེ། རང་གི་སེམས་ཆོས་ཉིད་དུ་བརྡས་བསྟན་པས་རྟོགས་ལ་དེ་ཉིད་རང་སེམས་བླ་མར་ཤར་བའི། གཉིས་པས་རང་གི་སེམས་ལས་གཞན་པའི་ལོགས་ན་གྲུབ་པ་མེད་པས་སྣང་བ་ཅིར་ཤར་བ་ཐམས་ཅད་ཆོས་ཉིད་དུ་རྟོགས་པས་སྣང་བ་བླ་མར་ཤར་བའོ། །དེ་ཙམ་ན་བླ་མའི་གདམས་ངག་དང་བཅས་པས་རྨོངས་པའི་སྒོམ་པ་དང་བྲལ་ནས་ཐམས་ཅད་བདེ་སྟོང་འོད་གསལ་དུ་རྟོགས་པའི། དེའི་དུས་སུ་ཤེས་པ་སོ་མ་ལྷུག་པ་དང་[མི་ཏྲི་པའི་བཞེད་ཡིན།] རང་ཐལ་དུ་གནས་སོ།། །།དེའི་ཉམས་
2-1-89a
ལེན་འགྲིགས་ན་ནམ་མཁའི་དཀྱིལ་འཁོར་དུ་བཅུག་པའི་རྗེས་ལ། བླ་མས་བུམ་པ་ལ་སོགས་པའི་རྫས་གཅིག་སྔར་མེད་པ་ལ་དེར་བཞག་ནས་དེ་ལ་ངེས་པར་བརྟན་པས་རྟོག་པ་གློ་བུར་བ་འབྱུང་ངོ་། །དེ་ནས་རྫས་སྦས་ཏེ། སེ་གོལ་སྒྲ་ལ་ངོ་སྤྲད། རྡོ་རྗེ་གདན་ཞེས་པ་ལ་སོགས་བརྗོད་པས་ཡང་རྟོག་པ་གློ་བུར་དུ་འབྱུང་སྟེ་ངོས་སྤྲད་དོ། །དེ་ནི་བརྡས་ངོས་སྤྲད་དེ་ནས་དངོས་སུ་བསྟན་ཏེ། དུག་ལྔ་ལ་སོགས་སུ་ཤར་ཡང་དེ་མ་གྲུབ་སྟེ། རང་གི་སེམས་[དཔེ་མང་ཡང་དོན་གཅིག་ཏུ་བསྔོ།] ནམ་མཁའ་ལྟར་ཤེས་པར་བྱའོ། །དེ་ནས་དེ་ལ་བློ་བཞག་ཅིང་བསྒོམས་ཐབས་བརླབ་བོ། །དེ་ནས་བསྒོམ་པའི་གང་ཟག་གི་དམ་ཚིག་ལ་བསླབ་པ། ཀུན་གཞི་སྣང་བ་ལམ་ཁྱེར།། །།ཨྠིི། དེ་ནས་ཀུན་གཞི་བསམ་གྱིས་མི་ཁྱབ་པ་ནི་མཚལ་ལམ་ལི་ཁྲིས་མཁར་ཞོང་ངམ་མེ་ལོང་ལ་མཎྜལ་བྱས་ལ་དྷ་མོ་དྷ་ཡའི་རི་མོང་གཉིས་བྱས་པའི་དབུས་སུ་སྔགས་ཀྱི་འཕྲེང་བ་བྲིས་ནས་མཆོད་པ་ལྔ་དབུལ། ཁྱད་པར་དུ་མེ་ཏོག་དམར་པོ་དབུལ་། ཟན་གྱི་ཏིང་ལོ་བྱ། དེ་ཀུན་བུ་མོ་གཙང་མས་དབུལ་དུ་གཞུག་[འབྱོར་ན་ལྔ།] སློབ་མའི་དཔྲལ་བར་ཚལ་གྱི་ཐིག་ལེ་བྱ། ཏིང་ལོ་ཁར་སྦྱིན། སློབ་དཔོན་གྱིས་མཁའ་འགྲོ་མ་ཐམས་ཅད་བསྡུས་ལ་སྔགས་ལ་
2-1-89b
བསྟིམ་ཞིང་། དེ་ཡང་སློབ་མའི་ལུས་ལ་གཞུག་སློབ་མས་ཀྱང་གསང་གནས་སུ་རྟག་དུ་བསམས་ན་མཁའ་འགྲོ་མ་ཐམས་ཅད་བསྡུས་པའི། དེ་གཞན་ལ་གཡས་སྐོར་དུ་བསམ་ན་མྱོས། གཡོན་ན་[ཡི་གེ་ཐམས་ཅད་དམར་པོ།] འགུགས། [གཡེང་བར] དམ་ཚིག་ནི་ཟླ་རེ་བུ་མི་ལ་མཆོད། [ལྟ་བ་ལས། སོར་བཞི་རྨ་བར། རྣམ་པ་ཐམས་ཅད་ནུབ་པའི་ཤེས་པ་སྟེ།] མེ་ཏོག་དམར་པོ་མི་འགོང་། [ལས་གྲུབ་ན།] དེ་ལྟར་དུ་ཉམས་སུ་སླངས་(བླངས་)པས་དང་གོང་མའི་བུང་སྟེན་འབྱུང་སྟེ་སྤྱོད་པ་བྱས་ནས་མིག་ག་འོག་གི་བསམ་མི་ཁྱབ་ཀྱི་བྱིན་རླབས་ཞུགས་ཏེ་ཟླ་བ་[བུ་མོ་གཞོན་ནུ་མའི་བྷ་གར་ཟླ་མཚམས་ལ་བྱས་ན་གཉིས་མ་འགྲོ།] གཅིག་བསྒོམ་བསྒྲུབ་པ་ཞག་བདུན་བྱའོ། །ཨོཾ་སརྦ་བུ་དྷ་ཀི་ནི་མེ་བཛྲ་བེ་རོ་ཙ་ནི་ཡེ་ཧ་སོ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱ་ཧཱ། ཨོཾ་ཧཱུཾ་ཤྲཾ་ཧྥཾ་ཧྣིཾ་བསམ་མི་ཁྱབ།། །།ཨྠིི། དེ་ལྟར་ན་ལམ་ཁྲིག་ཆགས་སུ་སྐྱེ་བ་ཡིན་ལ། དང་པོ་གཏུམ་མོ་བསྒོམས་པའི་དུས་སུ་ལུས་ཐམས་ཅད་ན་བར་བྱུང་ན་ལམ་ཐོད་རྒལ་དུ་སྐྱེ་བའི་རྟགས་ཡིན་[འདི་འབུམ་ཟླས་ཟེར།] ཏེ་གཏུམ་མོ་བཞག་ནས་ཡིད་ཀྱི་ཕྱག་རྒྱ་ལ་བསླབ་བོ། །གཏུམ་མོ་ལ་བརྟན་པའི་དུས་སུ་རང་དང་སྣང་བ་ཐམས་ཅད་བདེ་བར་འབྱུང་ན་ཡེ་ཤེས་ཀྱི་ཕྱག་རྒྱ་ལ་བསླབ་བོ། །གཏུམ་མོའི་དུས་སུ་རང་དང་སྣང་བ་ཐམས་ཅད་བདེ་བར་འབྱུང་། [འདི་ལྟར་སྐྱེ་བའི་ངེས་པ་མེད་གཏུམ་མོ་བསྒོམས་པས་[འདི་ལྟར་སྐྱེ་བའི་ངེས་པ་མེད་གཏུམ་མོ་བསྒོམས་པས་
2-1-90a
སྤྱོད་པ་བྱས་ནས་རྟགས་བྱུང་ན་སྤྱོད་པ་བྱས་ལ་བསམ་མི་ཁྱབ་བསྒོམ་དེ་ལ་སོགས་པ་འདྲེ།]སྤྱོད་པ་བྱས་ནས་རྟགས་བྱུང་ན་སྤྱོད་པ་བྱས་ལ་བསམ་མི་ཁྱབ་བསྒོམ་དེ་ལ་སོགས་པ་འདྲེ།] སྐྱེ་མེད་སྤྱིའི་རྣམ་པས་རྒྱས་ཐེབས་ནས་ཤེས་པ་འཐོར་བ་བྱུང་ན་ཀུན་གཞི་ལ་བསླབ་བོ། །དེ་བརྟན་(བརྟེན་)ནས་སྣང་བ་ལམ་ཁྱེར་ལ་སློབ་བོ། །དེ་ལ་བརྟན་ནས་ཀུན་གཞི་བསམ་མི་ཁྱབ་ལ་བསླབ་སྟེ། གང་ཟག་དབང་པོ་རབ་འབྲིང་གི་ཡེ་ཤེས་འཆར་བ་ལ་ངེས་པ་མེད་པས་ན། ཐམས་ཅད་ལ་སྒོམ་དགོས་པའི་ངེས་པ་ཡང་མེད་དོ། །གལ་ཏེ་སྣང་བ་ལ་མ་ཁྱེར་བསྒོམ་པའི་བསྒོམ་ཆེན་པ་ཅིག་(ཞིག་)ལ་གཞན་[གཏུམ་མོ་རིམས་ཀྱིས་སྐྱེས་ནས་ཕྱག་རྒྱ་ནས་འགྱུར་མི་སྲིད།] མེད་པར་ལུས་ཀྱི་ཕྱོགས་གཅིག་ལས་བདེ་བ་མ་བྱུང་ན་དབང་གི་ཐ་མ་ཡིན་ཏེ་རིམ་པ་བཞིན་དུ་བསྒོམ་དགོས་གསུང་ངོ་། །ལྷོ་བྲག་ཆུ་ཁྱེར་དུ་ཞར་ལ་ཞལ་གྱི་གསུང་ཚད་བྲིས་པའི་མེ་ཏྲི་བའི་གདམས་པ་རྫོགས་སོ།། །།༄༅། །བླ་མ་དམ་པ་རྣམས་ལ་ཕྱག་འཚལ་ལོ། །དང་པོར་མཎྜལ་ལ་སོགས་པ་བྱས་ཏེ། རང་གི་ཡི་དམ་གང་བྱེད་ཀྱིས་གང་གི་ཨེ་ཧཱུྃ་རྣམས་ལ་བཟླས་པ་འབུམ་བྱས་ལ། དེ་ནས་སློབ་མ་བྱིན་བརླབས་(རླབས་)འཕོ་བ་བྱས་པའི་མཎྜལ་སྟེང་དུ་འཁར་གཞོང་ངམ་མེ་ལོང་ལ་ལི་ཁྲིའམ་འཚལ་བཙགས་ཏེ་དམར་པོས་གཡོགས་པ་ལ་གསེར་[རང་གི་བསྲུང་པ་ལ་སོགས་པ་ཐམས་ཅད་ལ་སྔོན་དུ་བསྙེན་པ།] རམ་དངུལ་གྱི་ཐུར་མས་ཆོས་འབྱུང་བརྩེགས་མ་བྲིས་ལ། 
2-1-90b
དབུས་སུ་ཕག་མོའི་སྔགས་སམ་ཡང་ན་ཨཱ་ལི་བཀོད་ལ། ཧེ་རུ་ཀའམ་བདག་མེད་མ་ཡི་དམ་གང་བྱེད་དུ་བསྐྱེད་ལ་མེ་ལོང་གི་དེ་རྣམས་ཌཱ་ཀི་མའི་ངོ་བོར་བསྐྱེད་ནས་དེ་ལ་མཁའ་འགྲོ་མ་སྤྱན་དྲངས་ནས། བུ་མོ་གཞོན་ནུ་མ་ལྔ་བཙལ་ལ་མཁའ་འགྲོ་མ་ལྟར་བྱས་ཏེ་མཆོད་པ་ལྷ་མོ་བཅོ་ལྔ་ལ་འབུལ་དུ་གཞུག །དེའང་དང་པོ་མཆོད་པ་བྱིན་གྱིས་བརླབ། ལྷ་མོ་ལ་འབུལ་བའི་ཟན་གྱི་ཏིང་ལོ་གྲུ་བཞི་ནར་མོ་ཆུང་ངུ་མ་དཀར་རའི་བདར་བུའི་དབྱིབས་འདྲ་བའི་སྟེང་དུ་མར་བྱུགས་པའི་དམ་[རྣམ་པ་ལྔ་མིས་སོ་བཞི་མོ་བཅུ་བཞི།] རྫས་སྡེར་ཀ་ཡང་བསྡོགས་ཏེ་དབུལ་བར་བྱའོ། །དེ་ལ་སློབ་དཔོན་གྱིས་བུ་མོ་ལ་བརླབས་ཤིང་། མཁའ་འགྲོ་མ་ལྔ་ལ་མེ་ཏོག་འདི་འདིར་ཕུལ་ཅིག་ཅེས་དེར་དབུལ་དུ་གཞུག །བུ་མོས་དེར་དབུལ། ཟས་ཀྱི་ཏིང་ལོ་འང་དབུལ་ལོ། །དེ་ནས་བུ་མོས་རྣལ་འབྱོར་པ་འདི་ལ་བྱིན་གྱིས་བརླབ་ཏུ་གསོལ། །ཞེས་ལན་གསུམ་ཟློས་སུ་བཅུག་ལ། དེ་ནས་བུ་མོ་ལ་བཟའ་བཅའ་ལ་སོགས་པས་འགུ་(མགུ་)བར་བྱས་ལ་བཏང་ངོ་། །དེ་ནས་སྣང་བ་ལམ་ཁྱེར་གྱི་སློབ་དཔོན་ལ་དཔྲལ་བར་བདེ་སྟོང་གི་རྣམ་དྲངས་(གྲངས་)མཚལ་གྱི་ཐིག་ལེ་ཅིག་བྱ། ཏིང་ལོ་ཁར་སྦྱིན། དེ་ནས་སློབ་དཔོན་གྱིས་མཁའ་འགྲོ་ཐམས་ཅད་སྔགས་ཀྱི་ངོ་བོ་ཆོས་འབྱུང་གཉིས་བརྩེག་(ཉིས་བརྩེགས་)དང་བཅས་པ་དེ་ཡིད་ཀྱིས་བླང་སྟེ། 
2-1-91a
སློབ་མས་རྡོ་རྗེའི་ནོར་བུའི་རྩ་བར་ཆོས་འབྱུང་གཉིས་བརྩེགས་(ཉིས་བརྩེགས་)སྔགས་ཀྱི་ངོ་བོ་དང་བཅས་པ་དམར་ཀྲ་ར་ར་འཁོར་བར་བསམ། སློབ་མ་རང་གིས་ཀྱང་ཆོས་སྐོར་དུ་དམར་ཀྲ་ར་ར་འཁོར་བར་བསམ་ཞིང་། དེའི་དུས་སུ་སློབ་དཔོན་གྱིས་སློབ་མ་ལ་ཨེ་ཧཱུཾ་ཤྲཾ་ཧེ་ཕེཾ་ཧིཾ་སྭཱ་ཧཱ། ཞེས་བཟླས་པས་བྱིན་བརླབས་(རླབས་)འབྱུང་སྟེ། རྣམ་པ་ཐམས་ཅད་ནུབ་པའི་ཤེས་པ་གསལ་བའི་རོ་བདེ་བར་ཤར་བ་འབྱུང་ངོ་། །དེ་ནས་ཉམས་མྱོང་དེ་ཉིད་ཉམས་སུ་བླངས་ནས་བསྒོམ་པར་བྱེད་པའོ། །སློབ་མ་བྱིན་རླབས་འཕོ་བའོ།། །།ད་ནི་གཉིས་པ་བསྲུང་བར་འགྱུར་བ་ནི་རང་ཉིད་ལ་བྱ་བ་དང་སློབ་མ་ལ་བྱ་བ་གཉིས་ཏེ། བསྲུང་པ་བྱེད་ན་ཐམས་ཅད་གོང་མ་བཞིན་ལ། རང་ངམ་སློབ་མའི་གསང་གནས་[བདེ་བ་དང་སྟོང་པ་གཉིས་སུ་མེད་པ་སྐྱེ།] སུ་ཆོས་འབྱུང་གཉིས་བརྩེག་(ཉིས་བརྩེགས་)སྔགས་དང་བཅས་པ། མཁའ་འགྲོ་མའི་རབ་གནས་བྱས་པའི་ཡི་གེར་བཞུགས་པ་དེ་རྣམས་སྔར་བཞིན་མི་འཁོར་བར་བསྒོམས་ནས་ལྷའི་དབང་པོ་བརྒྱ་བྱིན་གྱིས་ཀྱང་མི་ཚུགས་སོ། །བསྲུང་བའི་མཆོག་ཡིན་ནོ།། །།ད་ནི་གསུམ་པ་ལས་ཀྱི་ཚོགས་ཏེ། དགྲ་མྱོས་པར་བྱ་བ་དང་། གཞོན་ནུ་མ་དགུག་པ་གཉིས་ཀྱིས་བསྟན་ཏེ། དགྲའི་གསང་གནས་སུ་གཤིན་སྐོར་དུ་དམར་ཀྲ་ར་ར་འཁོར་
2-1-91b
བར་བསམས་ན་དགྲ་མྱོས་ཤིང་སྨོན་པར་འགྱུར་རོ། །བུ་མོ་དགུག་པར་འདོད་ན་སྔར་བཞིན་ཐམས་ཅད་བྱས་ནས་ཆོས་འབྱུང་རྩེག་མ་རབ་གནས་བྱས་པ་དེ་བུ་མོའི་འདོམས་སུ་བསམས་ནས། གཡོན་འཁོར་དུ་འཁོར་བས་བུ་མོ་དམར་ཀམ་ཟེར་སོང་བར་བསམས་ན་ངེས་པར་ཁུགས་པར་འགྱུར་རོ། །དེའི་དུས་སུ་གོང་གི་བསྙེན་པའི་སྔགས་ཨོཾ་ཧཱུྃ་ཤྲཱི་རྣམས་བཟླས་ཤིང་བྱའོ། །དེ་ལྟར་བསླབ་པ་ལ་བྱིན་རླབས་འཕོ་བར་བྱ་བ་དང་། ལས་ཚོགས་སུ་བྱ་བ་གཉིས་ལས། ལས་ཚོགས་ལ་གསུམ་སྟེ། བསྲུང་བ་དང་། དགྲ་བོ་མྱོས་པ་དང་། [ཨེ་ཧཱུཾ་ཤི་ཟེར།] གཞོན་ནུ་མ་དགུག་པའོ། འདི་ནི་ཉི་ཤུ་དགུ་འམ། ཉི་ཤུ་པ་གཉིས་ལ་སོགས་པ་ལ་རྟག་ཏུ་མཆོད་པ་བྱས་ན་བསྲུང་བའམ། ཡང་ན་དུས་དེར་མཆོད་པ་བྱས་ན་མཁའ་འགྲོ་མའི་བྱིན་རླབས་འཇུག་གསུང་ངོ་། །བྱིན་རླབས་འཕོ་ཐབས་ཀྱི་བསྒོམ་པ་ནི། [བླ་མས་རྟག་ཏུ་ཐུགས་དམ་མཛད་ཀྱི་གདའ།] སློབ་མས་བྱའི་རང་ལ་དེ་བཞིན་མི་བསྒོམ་གསུངས། འདིའི་ལུགས་ཀྱིས་སྣང་བ་ལམ་ཁྱེར་གྱི་དུས་སུ་རྟགས་མང་པོ་བྱུང་ནས་སྤྱོད་པ་བྱས་ཏེ་ལོག་ནས་བྱིན་རླབས་འདི་དངོས་སུ་མནོས་སོ། །བསམ་མི་ཁྱབ་ཀྱི་ཉམས་མྱོང་གོང་དུ་བསྟན་པ་དེ་ཟླ་བ་ཅིག་ཏུ་བསྒོམ་གསུང་ངོ་།། །།མེ་ཏྲི་པའི་གདམས་པ། བྲམ་ཟེ་ཆེན་པོ་རི་ཁྲོད་པའི་
2-1-92a
གདམས་ངག །བླ་མ་བཙུན་མར་པ་ལོ་ཙཱ་བ་ལ་ཞུས་པ་རྫོགས་སོ།། །།འཛམ་བུའི་གླིང་གི་བརྒྱན་མཁས་པ་རྣམས་ཀྱི་སྤྱི་གཙུག་གི་ནོར་བུ་ལྟ་བུར་གྱུར་པ་གྲགས་པ་སྙན་པས་ས་སྟེངས་ཁྱབ་པའི། སངས་རྒྱས་གཉིས་པ་ལྟ་བུའི་བླ་མ་རིན་པོ་ཆེ་རྔོག་གིས། སྔོན་གྱི་ལས་འཕྲོ་དང་སྐལ་བར་ལྡན་པ་བདག་ལ་གནང་།། །།

